Skip to content

Ugain Maes Polisi

Llywodraeth Cynulliad Cymru

Ugain Maes Polisi

Gall y Cynulliad Cenedlaethol yng Nghaerdydd, sy’n cynnwys 60 o Aelodau etholedig y Cynulliad, lunio peth deddfwriaeth yn yr un modd ag y gall y Senedd yn Llundain.

Fodd bynnag, tra bod deddfwriaeth y Senedd yn gallu bod yn gymwys ledled y DU ac yn bellgyrhaeddol, mae pwerau deddfu’r Cynulliad Cenedlaethol yn gyfyngedig: maent yn benodol i Gymru, a chaiff y Cynulliad y pwerau yn raddol, gam wrth gam drwy broses o gytuno â Senedd y DU.

Mae rhai meysydd lle na all y Cynulliad ofyn am bwerau deddfu - dim ond yn yr 20 o feysydd polisi wedi’u diffinio a’u nodi yn Neddf 2006 y gall ofyn am bwerau.

Rhag ofn eich bod yn pendroni... y 20 o feysydd polisi yw:

  • Amaethyddiaeth, pysgodfeydd, coedwigaeth a datblygu gwledig
  • Henebion ac adeiladau hanesyddol
  • Diwylliant
  • Datblygu economaidd
  • Addysg a hyfforddiant
  • Yr amgylchedd
  • Y gwasanaethau tân ac achub a hyrwyddo diogelwch tân
  • Bwyd
  • Iechyd a gwasanaethau iechyd
  • Priffyrdd a thrafnidiaeth
  • Tai
  • Llywodraeth leol
  • Cynulliad Cenedlaethol Cymru
  • Gweinyddiaeth Gyhoeddus
  • Lles Cymdeithasol
  • Chwaraeon a hamdden
  • Twristiaeth
  • Cynllunio gwlad a thref
  • Dŵr ac amddiffyn rhag llifogydd
  • Yr iaith Gymraeg